Mon ramkulh, Paung pengsungih ralhrang militia hotu cu hriamkai pawl in an kaiih an vua ih a meithal khal an lawngsak ti asi.
Paung peng သဗြုချောင် khuaih ralhrang militia hotu pa ဖိုးချစ် an timi cu mani May 28 niahkhan anmah phungki biaknak hmun ih a um laiah hriamkai mipum 10 rual mawtaw le bike thawn an ra ih an ra vuak ciamco hnu a inn ah an hruai ih a meithal M21 zun khat le cerek pawl khal an lawngsak ih a mah khal an kai cih tiah tualsung Party pawlthawn pehtlaihawknak nei Mawlamyine mi pakhat cun a rel.
Hi ralhrang militia hotu pa ဖိုးချစ် hi kum 60 ih upa a siih, dothlengtupawl ih cangvaihnak pawl le tualsungmino pawl ralhrang hnenih pe theutu a si thu le tualsungmipi pawl harnak phunphun thlentu asi thu pawl khal theih asi.
Cule May25 zan nazi 8 hrawng khalahkhan မုဒုံ peng ကမာဝက် khawpi ih ဂုံညှင်းတန်း vengih um ralhrang militia hotu ကျော်မင်း an timikhal a mai inn ih a umlai ah zo ti theihloh hriamkai 2 bike thawn an va thlengih an va kahthah thu pawl khal theih asi.
