Ayeyarwady ramthen, Yegyi peng Nga Thaing Chaung khawpi မြောက်စမ်း khuaih ralhrang 344 Artillery Battalion donak cu a nasazet laiih, ralhrang pawl cu an thleithlak aw rero ti asi.
Hi ralhrang 344 Artillery Battalion ihsin ralhrang thazang mawtawpi 10 khat lai cun May 26 ahkhan ပုသိမ် khawpi lam pan in an poksuah thu le hi mawtawpi 10 khat ih poksuak ralhrang pawl lakah ralhrang hriamtuar tamzet an tel thu le ralhrang thazang dang ret bet sal rero a si thu khal tualsung thuthanghram cun an rel.
Cutin ralhrang mawtawpi thahnem zetzet pawl cu ralhrang 344 Artillery Battalion ahhin an lut ih an suak zok rero ti asi.
Cun May 19 khalahkhan hi ralhrang 344 Artillery Battalion ahhin an kuatmi ralhrang ကျုံပျော် based 36 Battalion ih deputy battalion commander 1 khal hriampi tuarin a thih thu le hi ralhrang 344 Artillery Battalion ihsi tlansuak ralhrang thenkhat an um thu le hual in an kaihsal thu pawl khal theih asi.
May 10 ihsikhan Yegyi ralhrang 344 Artillery Battalion hi AA le ahmunram kilhimtu PDF pawl tangrual cun an rak do thawk ih, ralhrang outpost tamsawn cu an rak lafel theh zo ih tuahhin ralhrang 344 Artillery Battalion cu kulh in an do rero laifang asi.
