Daan bual ih A cozah hruaitu ralhrang Min Aung Hlaing cun mani April 30 zanlam nazi 8 ahkhan thuthang a suahmi ah, Rampi Counselor Daw Aung San Suu Kyi cu hremnak an pekmi ihsi thawng a tlak ding kum zat a tanglai mi pawl cu Tualthah thubuai Dan 541, Subsection 1 vekin a inn ih um dingih a ti thu a rel.
Daw Aung San Suu Kyi hi Tuluk ram ih rualpi hlun pakhat asiih, a thuhla pawl cu ziangvek can khalih an ngaihven ringring mi asi thu Tuluk Foreign Ministry Spokesperson cun mani April 30 ih Tuluk cozah in regular press conference an neihnak ah a rel hnu reilo ah tuvekih Ralhrang Min Aung Hlaing in a relnak san asi.
Cuihsin, tuini ih ngaidamnak thu an thanmi vek a sile Aung San Suu Kyi cu kum 22 le thla 6 sung thawngtang dingih hremnak a neih laimi ihsin kum 3 thum sakbet asiih, cutin tuahhin a thawngtang ding zat cu kum 18 le thla 9 a tang lai ti asi.
Cutin tuah cun kum 18 le thla 9 cu a mai inn ah tang dingah a inn ah an thawn luh thu pawl theih asi.
