Sagaing ramkulh, Kalaymyo khawpi ah Nursing and Midwifery Training tlawngih an ong sungmi Kale University cu hlan vekin a dankel vekten a ranglam in kan ong sal ding asi tiah ralhrang council lamin hmalaknak an nei rero asi tiah Kalaymyo tualsungmipi pawl in an rel.
Hmunramsung kilhimnak pawl ruangah Kale University tlawng cu kum 2024 Jun thla ihsikhan Kaleymyo Nursing and Midwifery Training tlawng inn ah an rak ong sungih, Kalay District thawn a pehparawmi hmunram sungah fimthiamnak lam hmasawn vivo theidingah kan zuam rero asi tiah ralhrang council lam cun an phuang.
Cule kum 2021 kumcem zawngih hmunramsung doawknak ruangah khan Kalaymyo computer University, University of Technology tipawl umnak tlawnginn hmunram sungah ralhrang pawl cun hmunkhuar in sakhan an nei, amahlawngte Kale University tlawng hi cu a umnak hmun ah a hlanah khan a kelvekten ong a rak si rero nan, a hnulam ahcun ong thei ti a um nawn lo ti asi.
