Athlatel ih rei ralhrang in hmunram an nawr reronak Sagaing, Yinma Pin le Kani peng pawlah ralhrang thazang 300 rual hmunramnawr pawl cu dothlengtu tangrual pawl in mine hmangih an rak do thu le hmunramnawr ralhrang mipum 5 dothlengtu pawl hnenah an ralthuam thawn an ap-awk thu Strategy 47 cun mani May 12 niahkhan an phuang.
Kandung zarh May 10 niahkhan ralhrang Division 33 le ဘန့်ဘွေး khuaih ralhrang Pyu Saw Htee pawl cu ယင်းမာပင် peng တရော်ကျင်း khua ihsin Kani peng ချောင်းမ khua lampan ih hmunram an hi nawr cu dothlengtu tangrual pawl in mine hmangin an rak donakah ralhrang 10 hriampi tuar an um thu le tualsungmipi ta asimi Tallarji pakhat telin mipi neihsiah an firmi pawl cu an lawngkir sal ti asi.
Cuihsin hmunramnawr ralhrang mipum 5 khal an raltham meithal cerek tipawl kengin dothlengtu pawl hnenah an ap-awk thu Strategy 47 cun an rel thu pawl khal theih asi.
