Magway ramthen, Pakokku pengsungih um ralhrang Division 101 hnuaiihum ralhrang 252 Battalion cu dothlengtupawl in rockets hmangih an donak ah ralhrang meithal retkhawmnak hmun a siat theh thu le ralhrang thi le hriamtuar khal an um thu COBRA ONE Pakokku ih tuanvoneitu pakhat cun a rel.
Pakokku pengsungah ralhrang in hmunram an nawr reronak behsan in May 25 zanah khan dothlengtu pawl cun 107 mm rockets 3 hmangin an va kap ti asi.
Dothlengtupawl ih kahmi rockets pakhat cun ralhrang ralthuam retnak hmun kiangah tla in a puakkuai ih cucun ralthuam retnak hmun cu a siatsuah ti asi.
Cutin dothlengtupawlih rokets hmangih donak cu can thaah la in ralhrang 7 khal an tlan suah thu le hi tum ralhrang an va donak ruangih ralhrang thi le hriamtuar zat khal zingzawi rero lai a si thu COBRA ONE Pakokku ih tuanvoneitu cun a rel.
Hitum ralhrang ralthuam khawlnak hmun va dotupawl hi Pakokku Township- ပကဖ Artillery Unit COBRA ONE Pakokku pawl an si thu khal theih asi.
Cule kandung thla April 23 ahkhan hi ralhrang 252 Battalion ih ralhrang 1 le ralhrang dang pakhat khal tlansuak in Pakokku Township- ပကဖ Artillery Unit COBRA ONE Pakokku pawl hnenah tlanlut ih an ap-awk thu pawl khal theih asi.
