Chin ramkulh Tedim khawpi ah ralhrangin drone hmangin bomb an tlaknak ruangah tualsungmi nuahak kum 13 mi a nunnak a liam ti asi.
Mani May 2 zanlam ahkhan Tedim khawpi ihsin kan lo hmuak timi Signboard kiangnai Saimual ih um Zoland Petrol Pump cu Tedim khawpi ih ralhrang ခလရ ၂၆၉ Battalion ihsin ralhrang cun drone hmangih bomb an thlaknak ruangah nuahak Kum 13 mi Lian Muan Kim an timi pate cu a nunnak a liam thu tualsungmi hnen in theih asi.
Cule Ralhrang bomb thlaknak ruangih nunnak liam nauhak Lian Muan Kim hi Zoland Petrol Pump ahhin hna a tuan theu ti asiih, a upa khal hriam a tuar tiah theih asi.
Tedim khawpi lakdonak neih ding thuah tualsungmipi tam sawn cun Kalay Myo lam le khuate lam pawl pan in khua an rak suahsan rero zo.
Cule mani May 2 zinglam ahkhan Tedim khawpi lam pan ih Taingen ihsi so hmunramnawr ralhrang pawl cu Akluai khua kiangah PDF-Zoland pawl thawn an do aw tiah thuthang theih asi.
