Mandalay ramthen, Nyaung U pengsungih ralhrang Pyu Saw Htee pawl cu an mah le mah karlak ah buainak a suahruangah ralhrang Pyu Saw Htee hotu နောင်နောင် le a kuthnuai mi 5 pawl cu local security force pawlin an rak kaingah thu le thuhla suhnak pawl an nei rero lai asi tiah Nyaung U peng dothlengtu thuthang hram cun an rel.
revolutionary forces pawl hin ahmisabik ih kaih an tum mi cu Nyaung U nisuahnak lamih um ralhrang Pyu Saw Htee hotu အောင်ကျော်မြင့် an timi asinan, ralhrang Pyu Saw Htee hotu အောင်ကျော်မြင့် ih hrawkhawlnak ruangah tuvekin Nyaung U nitlaknak lamih um ralhrang Pyu Saw Htee hotu နောက်နောင် le a kuthnuai 5 pawl cu an kaingah sawn riangri ti asi.
Nyaung U nisuahnak lamih um ralhrang Pyu Saw Htee hotu အောင်ကျော်မြင့် an timi le Nyaung U nitlaknak lamih um ralhrang Pyu Saw Htee hotu နောက်နောင် teih pahnih hi an ngaih aw hnailo ti asi.
Cutin revolutionary forces pawl hin Nyaung U nisuahnak lamih um ralhrang Pyu Saw Htee hotu အောင်ကျော်မြင့် an timi cu bia in nan hnenah kan ra lut duh ih in ra hruai aw tiah an hei ti, asinan ralhrang Pyu Saw Htee hotu အောင်ကျော်မြင့် cu tello in ralhrang Pyu Saw Htee hotu နောက်နောင် le a kuthnuai mi5 pawl cu feh in local security force pawl cun an rak kai ti asi.
