Yangon khawpi ah kilhimnaknak khauhzet um hmansehla, mipi pawl in President U Win Myint le khawtlang hruaitu pawl cu harhdamnak le himnak hrang duhsaknak le an hmuahnak pawl langternak ah U Win Myint ih zuk telnak capi cu Yangon dothlengnak tuahtu unau 4 pawl in an thlai ti asi.
President thawn can reipi harsa zetin zuam-awknakpawl kan pahtlang ih, ziangvek dinhmun khal thleng hmansehla, kan hruaitupawl kan rinnak cu a nung ringring asi tiah theiternak an neih thu le Rampi hruaitu pawl ih harhdamnak le an ton-awksal can ding pawl cu Yangon mipi ralkap pawl le mipi pawl hrangah ruahsannak thar a si tiah an ti.
Cuihsin President U Win Myint cu harhdam zet in um vivo seh, kan thinlung zaten kan lo hmuak asi tiah an ngan thu pawl khal theih asi.
Cule Yangon Dothlengnak Unau (4) pawl khal in ralhrang thuneihnak a cem hlan sung cu mipi hruaitu pawl thawn dingtlang in kan do vivo ding tiah an tiamkam awk thu pawl khal theih asi.
