Donald Trump in Hormuz Tifinriat on sal tum in a phunphun in a zuam reronak cu a hlawhtling theilo laiah NATO pawlkom in tifinriat ong sal dingin ralkap operation an tuah tum ti thuthang a um veten, Iran ih Islamist Revolutionary Guard Corps (IRGC) cun cuih Operation cu an nei a si cun Iran ramsung donak sinawn lo in leitlunhuap thahrumthawhih doawknak a si ding tiah a ti.
Tufang ahhin, Donald Trump cun Iran do dingin a timtuah rero thu ralrinnak a pek laiah, NATO pawlkom hnenah France ih kaihhruainak in Trump thawn an pehtlaihaw lo mi Hormuz Tifinriat ong sal dingin Operation fehpi an tum thu ti asi.
Cumi thuhla ah, IRGC cun an Islamic Revolutionary Guard Corps (IRGC) ih theinak hmuahhmuah cu hman theh a sihrih lo thu thawn ralrinnak a pe ih, an do asicun, a ram sungleng lam tiangah Terrorist cell pawl thawn leitlunhuap cu do in siatnak rapthlak thlengtiang ko a do ding thu thawn ralrinnak a pe ti asi.
Cule Iran ramleng Tlangbawi Abbas Araqchi khalin doawknak a um sal asicun, mangbangza thil tamzet thawn dokirnak nan hmu ding tiah a ti thu pawl khal theih asi.
