Magway ramthen sungih, Pauk-Tapin-Kyaukthu zinpitluan zawhih hmunramnawr ralhrang pawl cu Yaw Army (YA) le atangrualpipawl in rakkhamin nitin doawknak a um thu le doawknak a nasat thu Yaw Army (YA) cun mani May 22 ahkhan thusuah an tuah.
Tuahhin kaphnih doawknak sosang tuk ruangah Tapin-Kyaukthu zinpitluan ih doawknak thuhla ah dothlengtupawl ih cangvaihdan le tanhmun pawl cu media lamah mipi hmuh theih ih rak phonglang hrih lo dingah Yaw Army (YA) cun ngennak an nei ti asi.
Cule tuih doawknak thuhla rel a tul asicun kanmah dothlengtu tangrual pawl hmin in thuhla famkim kan theihter aw sal ding. Cun media pawl thawn bulpak interviews pawl cu kan fehpi lo ding kanmah rori ih thusuah kan tuah ding.
SAC ralhrang council hin kandungthla April thla ihsi khan Chin-Magway ritawknak Yaw hmunram ahcun ralhrang thazang tamzet a kuat lut hnu, dothlengtu pawl ih thunun mi hmunram pawlah cun hmunram an rak nawr thawk rero zo thu pawl khal theih asi.
