Chin ramkulh, saklam Tedim khawpi le Kalay khawpi karlak ih um Chin hriamkai tangrual pawlih thununmi a thupizetmi Kanedy tlang cu hmunramnawr ralhrang pawl in May 5 ni ahkhan an thunun sal zo tiah theih asi.
Taingen khua ihsin Tedim khawpi lam pan ih feh hmunramnawr ralhrang thazang 200 rual pawl cu Chin hriamkai tangrual pawlkom pawl in Taingen le Tedim karlak ah May 2 ni ihsikhan an rak do thawk ih kaphnih karlak doawknak cu a sang zet ti asi.
Cutin hmunramnawr ralhrang pawl hin ralthuam phunphun hmangin siseh, ralhrang tlunzuang raldo vanzam pawl bawmnak pawl ruangah May 5 niahkhan Kanady tlang cu an thunun thei sal tiah theih asi.
Kanady ralhrang sakhan hi Chin dothlengtu tangrual pawl in tuih kum January 4 ni ahkhan an rak lafel ih, cutin thla 4 a kim hnu May 5 niahkhan ralhrangin an la kir sal tiah theih asi.
May 5 ih Kalay ihsin Tedim lam panih so hmunramawr ralhrang pawl tomi mawtawpi rual pawl cu CDF CDM Siyin pawl in mine hmangih an rak donak ah ralhrang 13 thiin, meithal zun 3 an lawngngah thu pawl khal theih asi.
