Bangkok khawpi le Thailand ram laili khawpi lam panih pok Myanmar ram mi mipum 145 pawl cu an tomi mawtaw 10 thawn mani May 8 zinglamah khan Thailand palik pawl in an rak kai tiah theih asi.
Myanmar rammi pawl hi မယ်ဆိုင် khawpi ihsin ramri kant ih lut an siih, ramrii lilawnpi paltlang theinak ca lawng an kut ah hmuh asi thu le daan vekih luh theinak hrang ziang capoimawh hman an hmuh lo thu Thailand thuneitu pawl cun an rel.
Cule kaih mi Myanmar mi pawl hi kum 18 le kum 23 karlak minung an sithu le tuahhin Phronphiran palik zungah khum an siih, daan vekin thuhla hliakhlainak pawl an neih rero lai thu pawl theih asi.
Hi an kaihmi pawl ih reldan vek asile an puaisa pawl hnenah hin mipakhat in Thailand bat 20000 an pek thu le cutin Thailand ramsungah an luh thu siseh, Bangkok khawpi le pengdang pawl ah cun feh in hnatuan an tum thu pawl an rel ti asi.
Cule kaihmi pawl phurtu mawtawpu pawl hi cu Thailand tong an thiam theh thu le Myanmar mi an siin, Thailand ချင်းရိုင် ih um ansi thu pawl telin, minung zuarnak thubuai tuahsak in daan vekih hmalaknak khal neih ding asi thu pawl khal Thailand thuneitu pawl cun an rel.
Cun Myanmar mi mipum 145 pawl hi thuhla hliakhlainak an neih theh hnu ah Myanmar ramah kuatkir an siding thu Thailand thuneitu pawl cun an rel thu pawl khal theih asi.
