Magway ramthen, ငဖဲ peng ပဇီ khua le ခွန်ဇူ khua karlak ah ralhrang နတ်ရေကန် sakhan bawm dingih thlahmi hmunram nawr ralhrang pawl cu Arakan Army AA le atangrualpi pawlkom pawl cun rak kham in nasaten an rak do thu le ralhrang in tlunzuang raldo vazam hmangin a do nasat thu ralram thuthang hram cun an rel.
AA le atanrualpi pawlkom pawl hin ralhrang နတ်ရေကန် strategic base sehvelih um ralhrang outpost pawl cu a zaten an lafel theh zo. Asinan tuahhin ဂုတ်ကြီး le ပဇီ khualam ihsin ralhrang council cun ralhrang thazang thahnem zet thlah in hmunram an nawr hleiah, ralhrang cun lethal drones le ralthuampi tipawl hmangin nasazet in a do tiah theih asi.
Rakhine Ridge, Ann-Padan zinpi tluan, Rakhine-Magway ramri ih doawknak cu a kum a kum asi ve zo ih, Arakan ralkap pawl le a ṭangrualpi pawlkom pawl in an uk mi asi.
Ralhrang acozah cun remdaihnak thurel tlang dingah Myanmar ih EAOs le PDF pawl cu a sawm rero vek nan a khatlam ah le ralhrang cun leilam ralhrang thazang tawrleseng hmangin siseh, tlunzuang raldo vanzam phunphun hmangin siseh, ralthuam tum le te hmangin siseh, drons phunphun hmangin siseh, nasaten a do rero fawn, tuvek zii ding cun rampum huap ah nitin thih le hlohnak siatnak lawng a thleng rero thlang asi.
