Sagaing ramthen, Shwe Bu peng Sainpin peng palik zung cu OTT Opertion hminin an do ih an va luhcilh thu le ralhrang palik zung bawi a tlansiat thu siseh, ralhrang palik telin ralhrang mipum 11 an thih thu ralhrang ralthuam thenkhat pawl an lawngngah thu PDF, No. 1 Shwe Bo District Military Office ih tuanvoneitu pakhat cun a rel.
Sainpin peng palik zung cu May 14 ihsin an rak dothawk hnu, May 16 zingpit ahkhan an rak lafel thei ti asi.
PDF, No. 1 Shwe Bo District Military Office hnauiih um dothlengtu ralkap thazang 60 rual pawl cun hi Sainpin peng palik zung hi an rak do thu le ralhrang pengpalik zung hotu Deputy Chief Win Zar Ni Aung hin a mai sahimnak lawng ruatin a nupi le a fanu kum 5 mi cu tan in a tlansuahsan ti asi.
Cule hi Operation OTT hi kum 2024 May 12 niih ဒီပဲယင်း peng အိုးတိန်တွင်း khua ih ralhrang tlunzuang raldo vanzam in bomb a rak thlaknak ruangih tlawngtapawl le tlawngsaya pawl telin, mipum 20 lai an rak thihnak thu behsan ih an tuahmi asi thukhal theih asi.
