Tanintharyi ramthen, ralhrang ခမရ 561 ih ralhrang 2 cu ralthuam thawn Tanintharyi Region Military Department kaihhruainak hnuaiih Myeik District PDF Battalion 2 le Battalion 3 pawl hnenah an tlanluh thu Myeik District PDF Battalion 2 ih tuanvoneitu pakhat cun a rel.
May 6 zinglam nazi 9 hrawngahkhan Tanintharyi pengsungih ညောင် ပင်ကွင်း nitlaknaklam ih ralhrang ခမရ 561 ih Sergeant မင်းမင်းစိုး kum 46 mi le a kuthnuai ralhrang pakhat ကျော်မင်းသူ kum 34 mi ralhrang 2 cu an ralthuam MA 11 zun 1, MA 1 zun 1, cerek thunnak bawm 7, 5.56 cerek mu 244 tipawl cu tlansuahpi in Myeik District PDF Battalion 2 le Battalion 3 pawl hnenah an ralthuam thawn an ap-awk thu pawl theih asi.
Tuih dothlengnak tuahtu PDF pawl hnenih tlan lut ralhrang 2 ih reldan vek asile, ralhrang sinak neile hotu sang dinhmun kai pawl cun an kuthnuaiih ralhrang pawl cu an nausiah thu le an nekrawknak pawl le an zawkzetnak pawl cu nikhat hnu nikhat a luar sinsin tiah an rel. Cuihsin SAC ralhrang council hin sualnak neilo tualsungmipi pawl kaitahrat in an thah reronak pawl cu kan ti thei nawnlo ruangah tuvekin PDF pawl hnenah ra tlan lut kan si tiah an rel thu khal theih asi.
