Hmunramnawr ralhrang pawlin Falam khawpi an lak hnu, Falam le c cu thunun theh dingah hmunram an nawr peh vivo, cutin hi hmunramnawr ralhrang pawl rak hmuak dingih Hakha khawpi ralhrang ခလရ 266 Battalion commander telnak ralhrang rual pawl cu May 14 niahkhan Hakha khawpi zin 6 tawnkhawmawknak kiangnai ah Chinland council pawlin an rak do tiah theih asi.
Hmunramnawr ralhrang pawl rak hmuak dingih poksuak ralhrang pawl an rak donakah ralhrang Battalion commander telin, ralhrang hotu 3 hriampi an tuar thu le ralhrang 4 an thih thu CNF/CNA thu phuangtu Salai Thet Ni cun a rel.
Cule ralhrang hrimtuar pawl cu Kalaymyo ralhrang Helicopter hmangin thiar suak dingah an timtuah thu le Chuncung khua ih thleng hmunramnawr ralhrang pawl cun khuasungih mipi cennak inn pawl cu a malbikah inn 7 an ur ziam theh lala tiah thu theih asi.
