Tanintharyi ramthen, Laung Lone peng ၊ မောင်းမကန် khuaah meithal kap phah ih lut ralhrang palik riit-sii ngolvei pakhat cu a meithal cerek pawl thawn an kaih thu Dawei National Liberation Army DNLA cun an phuang.
Kandung thla April 20 ahkhan ralhrang palik riit-sii ngolvei နိုင်မင်း an timi pa cu မောင်းမကန် peng palik zungah zuu a cen hnu, zan nazi 9:30 hrawngah မောင်းမကန် khuasungah lutin meithal kap ih a puarthau zia thu DNLA pawl hnenah an sim hnu, zing lam nazi 1 hrawngah မောင်းမကန် tivapi kap ih Tanintharyi Hotel ah a kenmi G3 zun 1, cerek thunnak bawm 3, cerek mu 50, biakawknak khawl 1 tipawl telin ralram hmanmi thilri thenkhat pawl thawn an kaihngah thu theih asi.
Cule hi ralhrang thuneihnak council hnuai ih um ralhrang palik နိုင်မင်း hi international prisoner of war daan vekin a tlunthu thensak a si ding tiah Dawei National Liberation Army DNLA cun an rel thu pawlkhal theih asi.
