Mandalay ramthen, ငါန်းဇွန် khawpi ihsi poksuak ralhrang mawtaw 2 cu peng 14 zintluan ah May 18 zinglam nazi 7 hrawngah khan khan dothlengtu pawl in mine hmangih an rak donakah ralhrang 5 thiin, ralhrang mawtawpi 1 a kangih a siatheh thu le ငါန်းဇွန် khawpi ihsin mawtawpi 5 khat in ralhrang thazang an va thlenbet ruangah dothlengtu pawl cu dung an sip sal asi tiah Youths Of Mandalay (Y.O.M) Mandalay Youth Colomn ih tuanvoneitu pakhat cun a rel.
Cule ralhrang thazang mawtawpi 5 khat thawn va thleng pawl cun doawknak hmunram sehvel ahcun rei nawn meithal an tawpaw kah ciamco ti asi.
Dothlengtu pawl in mine hmangih an rak domi ralhrang mawtawpi 2 ahhin ralhrang thazang 20 rual an siih, ralhrang 5 an thi ti asi.
Hitum ralhrang mawtawpi 2 mine hmangih rak dotu pawl hi Youths Of Mandalay (Y.O.M) Mandalay Youth Colomn le Nganzun Township ပကဖ tangrual pawl an si thu pawl khal theih asi.
