Mon ramkulh, Yee pengsungah ralhrang ခမရ 588 Battalion, ခမရ 106 Battalion, အမတ 317 Battalion pawl kom aw ralhrang hmunramnawr thazang 100 rual pawl cu April 28 ahkhan အောင်သာယာ khua kiangah dothlengtu tangrual pawlkom pawl cun an rak do thu le minute 10 sung kaphnih doawknak ah ralhrang 4 thiin, 10 hriamtuar an um thu le sungsip ih an tlan siat thu Yee Guerrilla Force cun an rak do thu mani May 3 zanlam ahkhan an phuang.
Hitum ralhrang hmunramnawr thazang 100 rual rak dotu pawl hi Mon State Revolutionary Army (MSRF), Ye People’s Defense Force (YPDF), ရာမည Mon Army (RMA) 901 Battalion, KNLA 27 Battalion tipawl tangkhawm pawl an si thu theih asi.
Cule Ye pengsung ahhin ralhrang No. (19) Operations Command Headquarters (စကခ-19) le No. (19) Operations Command Headquarters (စကခ-19) hnuaiih um 61 Battalion, ခလရ 106, ခလရ 299, ခမရ 343, ခမရ 586, ခမရ 588, ခမရ 287, အမတ No, 316 le အမတ No, 317 tipawl an um thu khal theih asi.
Cule ralhrang council hin Ye peng telin, Yangon-Dawei No.(8) Union zinpi tluan pawl cu uk theh a tum ruangah kum 2025 ihsi thawkin hmunram sungah dothlengtu pawlkom pawl thawn karlak doawknak cu tuletu a suah ringring thu pawl khal theih asi.
