May ni 4 ah, hmunramnawr ralhrang thazang 100 rual pawl cu Falam-Hakha zinpitlan ih Taal khua ah an lut ih, a kiangkap sehvel pawl cu tlunzuang raldo vanzam le drones hmangin bomb an thlak rero tiah theih asi.
Cule mani May 5 zinglam ahkhan Laikua le Tlangzar khua karlak pawl khalah ralhrang cun drones hmangin bomb te pawl thahnemzet an thlak hleiah, zinglam thotho 7:30 hrangah ralhrang tlunzuang raldo Jet vanzam khal in bomb 2 a thlak bet ti asi.
Tuahhin hmunramnawr ralhrang pawl cu Falam-Hakha zinpi tluan ih Thlanrawn khua tharah thazang 300 rual cun hmun an khuar tiah theih asi.
Ralhrang hin thunun theidingah tlunzuang raldo vanzam khal cat lo in a hmangih hmunthenkhat ah bomb a thlak rero thu pawl khal nitin theih ding a um ringring.
