Tag: laitlang thuthang

Ramsung Thuthang Thuthang Tharhlam

Falam peng doawknak ah hmunram nawr ralhrang mipum 15 an thi 

Admin
Chin ramkulh, Falam khawpi ihsi Hakha lamih hmunramnawr ralhrang pawl cu May 7 niahkhan Tlangzar khua tlun lamih um Laiva dam kiangah dothlengtu pawl in an rak donak ah ralhrang 15 an thih thu le dothlengtu lam thi le hriamtuar an um loh thu CNF thuphuangtu Salai Thet Ni cun a rel.  Hmunramnawr ralhrang thazang 300 rual pawl cun April 26 ni ihsi thawkin Falam khawpi ihsin Hakha khawpi lampan in zinpi tluan zawh in hmunram an nawr peh vivo thu le CNA ih hohanak in CC tangrual pawl cun rak do in tuhin ni 10 an donak a si thu pawl khal Salai Thet Ni cun a rel bet. …
Ramsung Thuthang

Falampeng sungah ralhrangin bomb a thlak peh rero lai 

Admin
May ni 4 ah, hmunramnawr ralhrang thazang 100 rual pawl cu Falam-Hakha zinpitlan ih Taal khua ah an lut ih, a kiangkap sehvel pawl cu tlunzuang raldo vanzam le drones hmangin bomb an thlak rero tiah theih asi.  Cule mani May 5 zinglam ahkhan Laikua le Tlangzar khua karlak pawl khalah ralhrang cun drones hmangin bomb te pawl thahnemzet an thlak hleiah, zinglam thotho 7:30 hrangah ralhrang tlunzuang raldo Jet vanzam khal in bomb 2 a thlak bet ti asi.  Tuahhin hmunramnawr ralhrang pawl cu Falam-Hakha zinpi tluan ih Thlanrawn khua tharah thazang 300 rual cun hmun an khuar tiah theih asi.  Ralhrang hin thunun theidingah tlunzuang raldo vanzam khal cat lo…
Ramsung Thuthang

Ralhrang pakhat a ralthuam thawn CDF – KKG hnenah a ap-aw 

Admin
Magway ramthen, Gangaw khawpi hrambun ralhrang ခလရ 50 Battalion ih ကောင်းခန့် an timi pa cu a ralthuam thawn April 19 ni ahkhan dothlengnak tuahtu pawl hnenah a ap-awk thu  Chinland Defense Force – Kalay Kabaw Gangaw KKG ih tuanvoneitu pakhat cun a rel.  Cule ကောင်းခန့်  hin MA 1 zun 1, cerek mu thunnak bawm 4, cerek mu 135, kutden bomb 2 tipawl cu a tlansuahpi thu le dothlengtu pawl hnenih a ap theh ruangah ting 50 laksawng an rak pek thu pawl siseh, CDF – KKG cun hmunhimnak ih an kuat zo thu pawl khal theih asi.