Mon ramkulh, Bilin peng ralhrang Lay Kay camp lakdonak ihsi tlansuak ralhrang pawl cu an dawiih an do vivonak ah ralhrang 7 thiin, deputy battalion commander telin, ralhrang 18 lai an kaihngah thu le ralhrang ralthuam thenkhat khal an lawngngah thu No. (1) Operation Area, People’s Defense Army, Special Operations Forces – SOF mani May 5 niahkhan an phuang.
Camp suahsan ih tlansuak ralhrang pawl kut ihsin MA7 zun 1, BA100 zun 1, MA4 zun 2, MA2 zun 3, MA3 zun 5, MA1 zun 8 a zaten meithal zun 20 le 81mm Bomb tepawl 51, cerek thenkhat tipawl cu an lawngngah thu theih asi.
SAC ralhrang council hin Lay Kay sakhan le Win Ta Pan sakhan cu hum dingah ပိန္နဲတော Strategic Camp ihsin ralhrang Division 44 hnuiih um ခလရ 8 le ခမရ 2 komaw ralhrang thazang 200 rual pawl cu dothlengtu tangrual pawlkom pawl in lamlak ah rak kham ih an rak donakah ralhrang mipum 25 thiin, mipum 30 hriamtuar an um thu le ralhrang kaihmi 6 an neih thu siseh, ralhrang ralthuam phun phun zun 22, Drone Gun zun 1 telin cerek thenkhat tipawl khal an lawngngah ti asi.
Cule an kaihmi ralhrang 6 pawl hi Special Forces Division ih ralhrang kaihkhihmi pawl fingkhawinak Center 2 ah retin sivai thawn an tuam hlawm thu le daan vekin hmalaknak an neih ding thu pawl khal theih asi.
Bilin pengih ralhrang Lay Kay sakhan hi KNLA/KPDF tangrual pawlin April 7 ahkhan sakhan lakdonak cu an rak thawk hnu, cutin April 12 niahkhan an rak lakfel thu ralhrang tlansuak pawl cu an hnu zawt vivo in an do peh vivonak ihsin ralhrang thi le kaihmi pawl siseh, ralhrang ralthuam pawl khal an lawngngah thu pawl khal theih asi.
