Phakant peng, Lungkhine khuaih ralhrang pawl donakah ralhrang thi le hiamtuar an um thu le ralhrang kaihngahmi an neih thu siseh, ralhrang ralthuam thenkhat pawl khal an lawngngah thu KIA၊KPDF in an phuang.
Hitum doawknak ih ralhrang thi a tamsawn hicu ralhrangin hramhramih a lakluhmi mithar pawl ansiih, ralhrang thi le kaihngah mi hi mipum 15 an si tiah KIA/KPDF pawl pehtlaihtu ralram thuthanghram cun an rel.
Cuihsin, ralhrang hnen thuhla thantu thenkhat khal kaihmi an neih thu khal theih asi.
Cule hmunramnawr ralhrang pawl hin မှော်စီဆာ khuaih tualsungmipi cennak inn pawl cu boh in inn sungih an hmuhmi lunghring tum pawl khal an lak thu le minung an hmuh le an that cih siko tiah tualsungmi thenkhat pawl cun an rel thu le khuasungah tualsungmi thenkhat tang an um lai thu khal an rel thu theih asi.
Cun May 4 doawknak ahkhan dothlengtu lam paraltha 2 khal an nunnak a liam ve tiah theih asi.
KIA/KPDF tangrual pawl hi tufang ahhin Kachin ramkulh, Phakant le ရွှေကူ peng pawlah nasaten ralhrang pawl thawn an doawk rero laifang asiruangah ရွှေကူ peng le Shane ram saklam ih မဘိမ် pengsungih tualsungmipi pawl cu doawknak ruangah ralringte ih um dingah KIA cun theihternak an neih thu pawl khal theih asi.
