Chin ramkulh, Tedim khawpi ih Cherry Hotel neitu Pu Thang Khan Dal cu PDF-Zoland pawl in an kai ih an hotu Pu Lian Tuang an timi in a that ti asi.
Thil thlendan kan theih dan vek asile, May 11 niahkhan PDF-Zoland ralkap pawl in Pu Thang Khan Dal ih inn ah feh in an va kai ti asi. Cutin Pu Thang Khan Dal an kaih ihsin nihnih a liam hnu May 13 ahkhan PDF Zoland hotu asimi Pu Lian Tuang cun a mai kut rori in a that asi tiah thuthang theih asi.
Thuhla umdan cu hitin asi, Pu Thang Khan Dal hi Tedim khawpi ah ralhrang pawl lut theidingah ralhrang pawl rak bawmtu le thuhla rak simthan tu Dalan a si tiah rinhmainak thawn an kai ti asi, cutin dothlengtu lam hin voi 10 lenglo ralrin peknak khal an rak nei rero zo nan, a thlunduh dah lo ruangah tuvek in an thah lawlawnak asi tiah theih asi.
Cule hi thilthleng hi Zomi miphun pawl hrangah cun thuanthu lungsiatza ih rung cang dingmi dang a rung si tiah tualsungmi pawl cun an rel thukhal theih asi.
