Sagaing ramthen, အင်းတော် peng နတ်မဟုတ် ကလေး khuasungih ralhrang hmunkhuarnak sakhan cu AA le atangrualpi pawl in an lakfel thu theih asi.
Hi ralhrang sakhan ahhin ralhrang thazang 100 lai an um thu le AA le atangrualpi pawl cun May 13 zanlam nazi 4:30 ihsin an nawr thawk ih cutin zanlam nazi 6:0 7:00 hrawngah khan sakhan cu an lakfel thu le doawknak hmunram thianfainak an neih fel hrihlo ruangah ralhrang thi zat le hriamtuar umzat siseh, ralthuam lawngngah zat pawl cu an rel thei hrih lo ti asi.
Cutin ralhrang sakhan cu AA le atrangrualpi pawl in an lafel zo ko nan sakhan hmunram sehvel pawlah cun doawknak cu a nasat zet laihleiah, ralhrang council cun hi doawknak hmun ih ralhrang pawl bawmtu ding ralhrang thazang a thlah bet mipawl cu ကသာ khawpi lam ihsin an ra poksuak rero lai ruangah tuhnak in kaphnih doawknak cu a nasa sinsin thei lai asi tiah ralram thuthang hram cun an rel thu khal theih asi.
