Sagaing ramthen, Kalaymyo ah tualsungmino tete pawl kaiih sumpai ngiar theutu ralhrang Deputy Commander Aung Kyaw Zaw cu Kalamyo Urban Guerrilla Project-UG Force pawl in an kahthah thu theih asi.
May 12 niahkhan Kalaymyo စက်မှုဇုန်၊ လှိုင်သာယာ veng နယ်မြေ ၆ ah UG Army pawlin hmunram kilhim hmalaknak an neih laiah an dunglam ihsin ralhrang Deputy Commander Aung Kyaw Zaw le ralhrang 1 cu rak check ih kai dingah a rem mei loh ruangah a hmunah an kahthah lawlaw thu UG lam cun an phuang.
Hi ralhrang Deputy Commander Aung Kyaw Zaw hi Kalaymyo ih ralhrang ဒကစ bawmtu Battalion ih um asiih, cule Kalaymyo peng suahkaa ralhrang peng 8 check gate ah hmunkhuar ih um an siiih, cutin khualtlawng mino pawl cu kaitahrat in sumpai thahnem zetzet rak ngiar theutu asi thu pawl khal theih asi.
Cule tulaifang hi Kalaymyo khawpi ah ralhrang tuanding mithar mino kaihkhihnak pawl cu nitin deuhthaw rori ih a thlenruangah tualsungmipi pawl ralring ten um dingah dothlengnak tuahtu pawl cun theih ternak an neih thupawl khal theih asi.
