Chin ramkulh, Tonzang khawpi cu ralhrang tlunzuang raldo vanzam donak, leilam ralhrang le ZRA pawl tangkhawm ih donak ruangah ralhrang pawl in an thunun sal zo asi tiah tualsungmi pawl in an rel.
Tedim khawpi le Cikha khawpi ihsin ralhrang thazang 600 rual thazang hmangin siseh, tlunzuang raldo vanzam, drones tipawl hmangin ralhrang council in a nawrnak ruangah mani May 19 zanlam ahkhan Tonzang khawpi cu ralhrang kutah a lut sal ti asi.
May 18 doawknak ahkhan ralhrang le a tangrualpi ZRA lam thi an tam tiah theih asi.
Dothlengtu pawl hin Tonzang khawpi cu can tawkfang sung cu an suahsan lawk hrih nan mani zanlam tiangah kha cun kaphnih doawknak a um lai ti asi.
CNA le Chin dothlengtu tangrual pawl hin kum 2024 May 23 ahkhan Tonzang khawpi hi ralhrang kut ihta an rak lafel ih cutin kum 2026 tuih thla May 19 ahkhan ralhrang kutah a lut sal ti asi.
