Mandalay ramthen, Myinyan District Myinyan-Taungtha zinpiah ralhrang pawl le ralhrang Pyu Saw Htee pawl tomi mawtaw 2 cu May 24 ahkhan dothlengtu pawl in lamlakah rakkham ih an rak donak ah ralhrang 7 thiin, ralhrang ralthuam meithal zun 4 le ralhrang mawtaw 1 an lawngngah thu Myinyan District PDF No, 7 Battalion ZERO guerrilla force cun mani May 26 ahkhan an phuang.
May 24 zinglam nazi 10 luan hrawngahkhan Myinyan-Taungtha zinpitluan zawhih tlan ralhrang thazang 20 rual ralhrang le ralhrang Pyu Saw Htee pawl tomi Super Custom mawtaw 1 le keli nei mawtaw 1 pawl cu ကုလားတန် zin kelah dothlengtupawl in rak khamih an rak donak ah ralhrang 7 thiin, ralhrang meithal zun 4 le ralhrang tomi Super Custom mawtaw 1 tipawl an lawngngah thei.
Hitum ralhrang pawl rak dotu pawl hi ZERO guerrilla unit (Myinchan)-Battalion 7, Myinchan District Battalion 1 le 2, Myinchan Township ပကဖ District 2, Nwattogyi ပကဖ District 2 tipawl tangkhawm an si thu theih asi.
