Kachin ram, Banmaw pengsung ih Kachin Independence Army (KIA) le hmunramnawr ralhrang pawl cu an doawkpeh vivo hnu, tunai ihsin kaphnih doawknak cun luarlam a pan vivo thu Kachin Independence Organization (KIO) thuphuangtu Colonel Naw Bu cun a rel.
Ralhrang council Banmaw khawpi hrambun No,944 bawmnak Battalion le Transport Battalion pawl cun May 15 ahkhan KIA pawl umnak lamah drones le ralthuampi pawl hmangin an vun do thawk lalanak ihsin kaphnih karlak doawknak cu thawk sal a si thu theih asi.
Cun ralhrang council hin Banmaw ih ralhrang Operations Command Headquarters, 21 hmunramsung khalah tlunzuang raldo vanzam hmangin ralthuam phunphun le ralhrang ei-in pawl tuletu a phurh rero tiah tualsungmi pawl cun an rel thu khal theih asi.
Cule ralhrang council hin May 12 khalahkhan ralhrang Northern Command Regional Headquarters ah mawtaw 300 lai thawn ralhrang thazang le ralthuam pawl khal a kuat lut ti asi.
Cuihsin, ငါးအိုး Battalion ihsin ralhrang thazang 1000 lai asimi ralhrang bur khal in ရွှေကူ hmunram sungah lutin an cangvaih thu le Banmaw khawpi lam pan in an ralhrang pipawl va bawmdingih an pok cu KIA pawl in lamlak ah rakkham ih an rak donak zarah ralhrang rual pawl cu hmainawr thei lon an tang tiah theih asi.
