Kachin ram, Phakant peng Lungkhine khua uksuh sungih doawknak cu a sang sinsin ih, ralhrang council cun ralhrang thazang a thlah bet thu le doawknak ih ralhrang hriamtuar zatel pawl cu a thiar suak ti asi.
Kandung zarh May 7 ni ihsikhan hmunram nawr ralhrang thazang 300 rual pawl cun Phakant, ကာမိုင်း-နန့်ယား zinpitluan ihsin hmunram nawr thawkin, May 10 ni doawknak ih hriamtuar ralhrang pawl cu ralhrang mawtawpi pawl hmangin thiarsuah an si thu le ralhrang thazang thlah bet mipawl cun Lungkhine hua uksuh sung hmuntinah zarpharh aw in hmun an khuar tiah ralram thuthang hram cun an rel.
Cule mani May 12 khalah khan Lungkhine zintawnkhawmawknak khalah mine kammi pakhat a puah thu le kaphnih doawknak thawm cu a reh laifang asinan, tualsungmipi pawl cu an thin a har zet tiah theih asi.
Cuihsin, Lungkhine လယ်ပြင် zian tuahnak cetzung lam khalah hmunramnawr ralhrang pawl an um thu le Phakant strategic hill ih ralhrang pawl khal drones le ralthuampi pawl thawn poksuak in kilhim awknak hrangah kap phah phah in နမ္မဖြစ် biaknak inn ah hmun an khuar ti asi.
Kachin Independence Army (KIA) lam hin Phakant-Kaamine zinpitluan cu khar hrih an sithu an than konan, ralhrang cun cuihzinpi tluan ihsicun ralhrang thazang a kuat bet hleiah, ralhrang hriamtuar pawl thiarsuahnak bikah a hmang ti ah theih asi.
