Sagaing pengsungih khua pawlah hmunramnawr ralhrang pawl in tualsungmipi thenkhat kaitahrat in kham awknak ah an hmang tiah tualsungmi pawl hnen in theih asi.  Mani May 8 zinglam ahkhan Sagaing pengsungih Monywa-Mandalay zinpitluan kiang naiih ကံတလူ sakhua biaknak hmunram sehvel le khuamual a mual  hrek cun hmunramnawr ralhrang thazang 100 rual pawl an luh ruangah tualsungmipi thenkhat sahimnak hawlin khua an suah san thu le khua suahsan ve man lo tualsungmi mipum 30 hrawng cu ralhrang in an kaih thu le khamawknak ralphaw ih an hman thu Sagaing ram thlingthlatu GroundPress pawl cun an rel.  Tuihthla thawk ahkhan hmunramnawr ralhrang pawl hoha tu ralhrang ralbawi pakhat cu dothlengtu lam in kaihmi an neih thu le mine hmangih an rak do thuah hmunramnawr ralhrang pawl cun tuvekih hmunram an nawr peh vivonak asi tiah GroundPress ih tuanvoneitu pakhat cun a rel thu khal theih asi.  Tuvek thiamthiam in Sagaing pengsungah hin Mandalay khawpi ihsin ralhrang mawtawpi rual cu an ra lut ih Sagaing Division (33) umnak ihsin Monywa- Mandalay zinpi tluan zawh in Chaung…