Magway ramthen, Natmauk peng sungih မြင်းတဲကြီး khua ihsin ကျောက်မိုး le ထန်းပင်မျှောင် khua kiang pawlah hmunram nawr ralhrang thazang 100 rual pawl cu April 25 zinglam nazi 7:30 hrangahkhan dothlengtu tangrual pawl in mine hmangin an rak puah ih cutin, ralhrang pawl cun meithal hmangih an vun kahnak ihsin kaphnih karlak kahawknak suak in nasaten an doawknak ah ralhrang thi le hriamtuar an um thu le ziangzat an thi ih ziangzat in hriam an tuar ti cu felfai ten kan rel thei hrih lo asi tiah နတ်မောက်ဂဠုန် PDF ih ဗိုလ်အောင်ဒင် cun a rel.  Cule tuahhin hmunram nawr ralhrang pawl cun ထန်းပင်မျှောင် khuasungah lutin hmun an khuar ti asi. Cuihsin ထန်းပင်မျှောင် khua kiangnai ih ကန်သာ khua khalah hmunram nawr ralhrang bur khat khal an thlen bet zoih, an zaten ralhrang thazang 300 rual pawl cun hmuntin ihsin ram an nawr rero asi tiah နတ်မောက်ဂဠုန် PDF ih ဗိုလ်အောင်ဒင် cun a rel thu pawl khal theih asi.  Hitum hmunram nawr ralhrang pawl rak do tu hi 903 Battalion ih Comrade pawl an si thu le thi le hlo um loten dung an sipsal thu pawl khal theih asi.