Special Information Unit-Pathein cun Military Affairs Security Force (MASF) in Pathein ih Southwestern Military Command (SWMC) sungtel ralhrang tuanhlun ralhrang hmunramsungih ceng cu a sungkua mipa pa3 cun ralhrang sunglam thu mipi theih ih an rak relsuah ruangah kaihkhih an si thu an than.
Ayeyarwady Ramkulh sungih ralhrang pawl cun an ram tam sawn an tlansan ih dung an sip ti si, cule ralhrang pawl cu an mah le mah lakkhal ah lungkimlonak an neih thu le an thu a hmu aw lo celcel tiah ralhrang thuhla than theutu pawl cun an rel.
A hleice in, ralhrang Battalion 38 le Battalion hotu Min Min Tun cu ral hmai an nawrnak ihsin dung an sip thei lo ih, an do peh vivo ruangah ralhrang dangpawl cun an dunglam ihsi dawl bawm an duh nan, ralhrang bial hotu lubik cun ralhrang pawl lak khal ah thleidan bul a neihnak ruangah ralhrang dang pawl cun ralhrang Battalion 38 pawl va bawm dingih an va kirsal a siang lo,” tiah Special Information Unit-Pathein cun an rel.
Cuhlei ah, tuih May thla a zarhthumnak khalah hin, Ye Kyi khawpi hrambun ralhrang 344 Battalion cu (AA) le a tanrualpi (PDF/PKK) pawl kutih pek meiding dinhmun ih a ding thlang vekin, ralhrang thenkhat a burbur ih tlansia an um thu pawlkhal theih asi.
