Shan ram saklam MNDAA thununmi သိန္နီ khawpi ah May 9 zinglam ahkhan daanbual kaihmi mi 5 pawl cu an tuahsualmi cu cain an ngan sak ih an awrhter hleiah, kei hi rit-si zuar ka si, keicu bike ruk hmang ka si tiin an au ter thu le an ke cu thirkual kharhsak in MNDAA in bazar an hel ter tiah tualsungmi pawl cun an rel thu theih asi.
MNDAA in an kaihmi 5 pawl hi bike ruk thu, rit-sii zuar thu, mei hri ruk thu tipawl ih kaihmi an siih, tuvekih khawtlang hmuhih an hremdan hin tualsungmipawl tih in terhnak vek asi tiah tualsungmi pa pakhat cun a rel.
Cule သိန္နီ khawpi hi MNDAA in an thunun hnu tualsungmipi pawl hrangah hnatuan ngah ding a har zet ih, Tuluk ram mipawl ra lut in tualsung hnatuan pawl le loram pawl an lak theh ruangah tualsungmipi pawl hrangah nitin ei hawlnak pawl a har tuk ruangah tuvekih daan bual ih ei hawl an tam phahnak san asi tiah tualsungmi pa pakhat cun a rel bet.
သိန္နီ khawpi hi ralhrang in nasaten dilnak a neiih, kan dung zarh ahkhan ralhrang council palai, Tuluk palai, MNDAA၊ UWSP, SSPP pawl cu tawnawkkhawmnak an neiih, Tuluk ih (Belt and Road Initiative (BRI) khawkhanmi lakih tlangleng zin tuah thawk ding thu pawl an relmi ah သိန္နီ khawpi ihsin ကွမ်းလုံ၊ ချင်းရွှေဟော် tiang, မိုင်းယု peng 105 ihsin ကြူကုတ်ပန်ဆိုင်း tiang sumdawnnak lamzin tluanah MNDAA telin EROs ralkap pawl cu hlawnsuahding thu thu an relkhawmmi ah a tel thu pawl khal theih asi.
