Ralhrang pawl dinhmun cu hmunram nawr donak ihsin humhimawk donak ah an thlengawk hnu, Taung Maw Oo tipi ralhrang sakhan kiang doawknak ah cun ralhrang tlunzuang raldo vanzam 5 rori hmangin nasa zetin an dobawm ti asi.
Mani May 17 sundir hrawngahkhan ralhrang lam thu le hlo an tam a bang ralhrang tlunzung raldo vanzam in a ra do bawm nasat danah tiah tualsungmi pakhat cun a rel.
Cule Taung Maw Oo tipi ralhrang sakhan sehvel cu mani May 18 sundir hrawngahkhan ralhrang tlunzuang raldo Jet vanzam 4, Y12 pakhat tipawl in leilam ralhrang pawl bawmin nasaten an run do ti asi.
Arakan Army ih thununmi hmunram pawl ahcun ralhrang council cun ralhrang thazang a bur a bur in a thlah ih May 10 ihsikhan hmunram an rak nawr thawk ti asi.
Cun tuahhin AA cun အဝတောင် khuaih ralhrang outpost pawl cu pakaht hnu pakhat a do peh rero laifang asivek in ralhrang thi le hlo an tamtuk ruangah tuvekih tlunzuang raldo vanzam 5 hmangin siseh, tipi ihsin siseh, leilam ralhrang thazang hmangin siseh, ralthuam tum le te pawl le drone pawl khal telin ralthuam phunphun hmangin nasa ten a do thu theih asi.
Ralhrang council cun AA cu a nawr hmaisa ih ralthuam phunphun hmangin a donak pawl ah AA in a rak dokirnak pawl cu tuar lo in tipi ralhrang sakhan tiang hman kilhim tul ah a cang sawn riangri thlang. Curuangah ralhrang in a nawrnak le donak cu tuah kilhimawk donak ah a cang sawn rangri tiah ralram thuthang hram cun an rel thu pawl khal theih asi.
