Bago, Ayeyarwady, Magway le Rakhine ramkulh, Kyaukphyu pengsungih Arakan Army (AA) thawn doaw rero ralhrang pawl cu thi le hriamtuar an tamtuk ruangah dungsip na thlanhlo na an si tiah theih asi.
Bago Ramkulh nitlaknaklam ih um, Ngiaung cuu ralhrang sakhan sehvel ahcun doawknak a nasazet ih, leikhur lai phah ih hmainawr ralhrang pawl cu AA cun rakbawh ih a rak do ruangah ralhrang pawl cu dung an sip sal ti asi.
Cuhleiah, ralhrang defense ralthuam tuannak zung No, 16 umnak thawn peng 3 hlatnak ah AA le a tanrualpi pawl cun tanhmun la ih an nawrnak ah ralhrang ralthuamtuahnak zung hmunram sungih um ralhrang hotulu pawl ih innsang pawl, palik nunau pawl le kum upa zo pawl telin nauhak pawl cu ralhrang 77 Battalion pawlin hmaihruaiin Taungoo ih Southern Military District Headquarters sungah an thawn lut ti asi.
Cule Ayeyarwady ramthen sungih doawknak khalah ralhrang deputy battalion commander telin ralhrang hotulu pawl an thih thu le 344th Battalion, Yekyi Artillery Regiment အမတ 344 khal a dinhmun a that nawn lo ruangah ralhrang hotulu pawl cun suahsan in an tlan siat thu le ralhrang Prime Minister le ralhrang commanders khalin zamrang theibik ih luat theinak ding an tuah thupawl khal theih asi.
Cule pehtlaihawktheinak zinpawl an pehtlaihsal zomi Magway ramthen Ngaphe pengsungih ralhrang နတ်ရေကန် strategic base kiangnai doawkpawl khalah zinhlun ပဇီ khawkiangih ralhrang bawmtu ding ralhrang thazang thlah bet mipawl khal AA le atangrualpi pawl ih rakdonak ruangah thi le hriamtuar an tam ruangah hmainawr thei lon, ralhrang မစခ 905 hmunihsin ralthuampi kah bawmnak in dung an sip sal ti asi.
Cuihsin, doawknak umnak hmunram sehvel helin zindang zawhih hmunramnawr pawl cu Kyauk Phyu peng ralhrang တောင်ပေါ်ဦး tipi ralkap camp kiangih doawknak ah အဝတောင် khua cu lan theilo in May 21 niahkhan တောင်ပေါ်ဦး tipi ralkap camp umnak ah dungsip in an lut ti asi.
Cutin, AA le atangrualpipawl ih donak ruangah sungnak thawn akhatmi ralhrang pawl cu bawm dingah ralhrang tlunzuang raldo vamzam a burbur in an dobawm thu le doawknak umlonak AA thunun mi hmunrampawl khalah ralhrang tlunzuang raldo vanzam pawl cun thihcilh drone pawl hmangin tualsungmipi pawl cu bat tahratin an do tiah theih asi.
