Chin ramkulh, Tedim peng Heilei khua le Ticirh khua karlak ih um khuaimual khua cu SAC ralhrang in mani April 30 zinglam nazi 7:04 le nazi 7:08 hrawngah khan Kalay တံတားဦး Air Force ihsi ra so ralhrang tlunzuang raldo vanzam Yak-130 le Jet fighter cun voi 3 rori bomb a thlaknak ruangah tualsung mipi cennak inn thenkhat a siatsuah ti asi, amahlawngte Pathian zarah tualsung mi thi le hriamtuar an um lo tiah theih asi.
Cuihsin Chin ramkulh Kanpalet peng Kyin Dwey khawpi khalah mani April 30 sundir 12:30 hrawngah khan ralhrang tlunzuang raldo vanzam in bomb a thlak lala ih, tuanvo pekmi dothlengtu paraltha 2 in ram le miphun hrang an nunnak an hlan asi tiah Kanpetlet Township Humanitarian Disaster Management Department cun an phuang.
Cuihsin, Chin ramkulh tlanglam ih Mindat peng le ယော hmunram ဆော peng ကျောက်ထု hmunram karlak pawl ahkhal mani April 30 zinglam ihsin sundir nazi 12 luan tiang ralhrang cun tlunzuang raldo Jet fighter 7 rori hmangin voi 15 lai bomb a thlak ti asi.
SAC ralhrang hin furpi thlen hlan tengtengah hmunram lafel sal thei dingah nasaten a zuam hleiah, tlunzuang raldo vanzam khal nasa ten a hmangih rampum huap kilkip ah doawknak um lo hman nungla a duhduh in bomb a thlaknak pawl ruangah tualsungmipi cennak inn le lo pawl a siatsuah hleiah, nunnak liam tu khal an mal nawn lo nasa. Dothlengnak tuahtu pawl Pathian in nehnak pe in kan ram din tharsal si hram seh law.
