United States, Japan le United Nations pawl in mani ahkhan Daw Aung San Suu Kyi cu Myanmar mipi hruaitu a si ih, daanbual ralhrang cozah in diklo zetin a kaihkhih mi Aung San Suu Kyi cu suah zalen dingah an ngen ti asi.
Daanbual Ralhrang tlangsuak zung cun Daw Aung San Suu Kyi cu kum reipi thawngtla dingin thu a ṭhencat sak ih home arrest ding ti asi. UN cun Daw Aung San Suu Kyi telin, ralhrangin diklo zet ih thawng a thlak mi pawl hmuahhmuah cu zamrangten suah zalen dingah a ngen ti asi. Hi dilnak in a tumtahmi cu Myanmar ramkhel thuhla ah khat le khat rinsanawknak a ṭhansohterdan langternak thabik asi.
Daw Aung San Suu Kyi telin thawngtla hmuahhmuah suah zalen dingah le thahrum hmangih baihawk pawl cu cemter dingin Japan cun a dil ti asi.
Ralhrang council cun a ṭulmi pawlkom pawl thawn biakremawknak le ramkhel ṭhansohnak taktak pawl ih hmasawnnak pawl a tuah asi ti cu hmuh a duh thu Japan cun a rel bet.
US khalin Daw Aung San Suu Kyi cu zamrangten suah zalen dingin a ngen ih, ralhrang tlangsuak zung khal in Daw Aung San Suu Kyi ih harhdamnak lam cu ruahsak in siivai hmangih tha teih tuamhlawmnak a ngah theinak dingah a dil sak ve tiah theih asi.
