Islamic Revolutionary Guard Corps (IRGC) ih sungtel mipum 14 cu Iran ram doawknak ruangih puak hrih lo mi ralthuam bomb pawl hawl ih hmunram thianfainak an neihnak ah a puak hrih lomi bomb cu a puak kuai pangih cutin an nunnak a liam ti asi.
Mani May 1 niahkhan Zanjan pengkulh sungih cang mi asiih, Ralkap pawl in a liamcia caan ih ralkap pawl an kahnak ihsin bomb puak hrih lo umnak hmun ṭihnung zet a si tiah an ti.
Leimin pawl haisuaktu Ralkap burpi pawl hin cuih kiangkapih cerek a tanglai mi pawl an thianfai rero lai ah hmuhhrelh mi bomb pakhat cu hmakhatte ah a puak ih (IRGC) sungtel mipum 14 an thi ih, mi pahnih in hriam an tuar ti asi.
Hi siatnak thleng hi kum 2026 April thla ihsin Iran-Israel-US doawknak cawlter dingih lungkim tlangnak a um hnu ihsin a nasa bikmi thih hlohnak asi.
Cuhlei ah, doawknak a thok ihsin Iran ram pumpi ah puak hrih lo mi ralthuam le bomb thawng 15000 hnakih tam an hmusuak ih an cingfel zo a si tiah IRGC cun an rel.
Ziangkhal sehla, hi siatnak thleng hin ralpi a cem hnu khalah raldoawknak ih a tanglai mi pawl cu mipi le ralkap pawl hrangah ṭihnungza an si zia a langfiangter.
