SAC ralhrang thunun mi Sittwe khawpi sungih kuat luh dingmi riit-si phur cet lawng 2 telin, Bangladeshi mi mipum 11 pawl cu April 24 zanlam nazi 1:20 hrawngah khan ရသေ့တောင် peng, ချိန်ခါလီ khua kiangih tipi khapah Arakan Army (AA) tiva pi tluan kilhimnak tuanvoneitu pawl in an kaingah ti asi.
Hi riit-sii phur cet lawng hi a cet ah buainak a um ruangah tipi kap ah an cawl ti asi, cule AA ralkap tipi kap tluan kiltu pawl cun va feh ih an va check thu le an check rero laiah a dang cet lawng pakhat cu a ra thlen bet ih cutin cet lawng pahnih cu an check tikah Rit-sii an hmuh ruangah an kai cih ti asi.
Cule cetlawng sungah hin riit-sii lawng an kaih mi a si lo ih vunnatnak ih hnih mi dip 2 le naukham sii dip 2 tipawl khal an tel thu siseh, hiang phurtu Bangladeshi mi an kaihmi mipum 11 lakah nunau pakhat khal a tel ti asi.
Sittwe khawpi hi ralhrang thunun mi asiih, AA cun a kiangkap sehvel ihsin a nawr ih a do rero laifang asi.
Cun tuih an kaihmi riit-sii pawl hi ralhrang thunun mi Sittwe khawpi ih raltlan pawl umnak ih phurh luh ding pawl an si ti asi.
SAC ralhrang council cun tu le tu AA hin riit-sii pawl an tawlh theu asi tiah a puh ih AA thang siat dingah thuthangca pawlah a tarlang theu, amahlawngte dothlengtu pawlkom pawl cun Arakan Army AA silo in SAC ralhrang council pawl hi si riit-sii le bumnak lamih hnawihnih aw cu tiah an pho lang thu pawl theih asi.
