Kachin ram, Phakant peng lungkhin khua thlan kiangih hmunkhuar ramnawr ralhrang pawl cu April 25 sundir nasi 12 cekci ahkhan dothlengtu tangrual pawl in drones hmangih bomb an thlaknakah ralhrang 12 lai an thi tiah Phakant ralram thuthang hram cun an tarlang.
Ralhrang 12 ruak cu ralhrang in an thiar fel zo ih, tualsung mipi cennak inn thenkhat khal a kang ti asi.
Cule April 25 thotho zanlamah lungkhin khua uksuh sungah car hmangih ralhrang hmunram hal pawl cun lungkhin ဂေါက်ကွင်း kiangih um tualsungmi pakhat telin, မှော်စီစာ khuaih စိန်စိန် datsi dawr kawt tisun ih daibual tualsungmi pakhat le အောင်သာယာ khuaih tualsungmi pakhat tipawl cu meithal hmangin an kap that ti asi, cun ralhrang in an kahthah mi tualsungmi 3 hi mipa hlir an si thu pawl khal theih asi.
Cule Phakant peng sungah hin doawknak neih rero laifang asiruangah ဖားကန့် – နန့်ယား – ကာမိုင်း zinpi tluan pawl cu KIA in April 22 ihsikhan an rak khar ih mani April 26 tiangah khacun ong a si hrih lo ti asi.
