Bago nitlaknak lamih um ဥသျှစ်ပင် peng ပန်းတောင်း hmunram sungih ralhrang pawl cuဥသျှစ်ပင် peng ပန်းတောင်း le a tanrualpi pawlin nasa ten an donakah ralhrang lam an can a sezet tiah theih asi.
Aliamcia May 4 ihsin May 7 nitiang kaphnih doawknak ah ralhrang lam thi le hriamtuar an tam thu le ပြည် khawpi zato ah minaphur mawtaw pawl hmangin Emergency in an phurh luh thu pawl theih asi.
Cule ni4 sung kaphnih doawknak thuthawn pehparin a hleice in May 7 niih လေသာ tlang kiangih an doawknak ih ralhrang thi ruak pawl cu hnukphah vivo in an tlan siatpi thu le ralhrang hriamtuar pawl cu minaphur mawtaw 4 rori hmangin ပြည် khawpi zato ah a ranglam in an phurh luh thu pawl khal theih asi.
Hitum kaphnih doawknak ah ralhrang pawl can se tuk va bawm dingah ralhrang ဆင်လန် sakhan ih kuat luh dingmi ralhrang ဒတရ ၆၀၁ Missile Battalion Major pakhat cu a tlanhloh ruangah ralhrang council cun ဥသျှစ်ပင် kiangih um ralhrang defence ralthuam tuahnak zung ကပစ-5 ih ralhrang Major le a kuthnuai ralhrang pawl cu thlah dingah an tim an tuah ti asi.
Cutin ralhrang council cun ဆင်လန် ralhrang sakhan le ralhrang defences ralthuam tuahnak zung ကပစ 16 Battalions tipawl ahcun anmah ralhrang mawtawpi 5 khat ralhrang thazang cu an thlah bet thu le ralhrang ဆင်လန် sakhan dunglamah cun ralthuampi sakhan ding hngetkhoh zetin an tuah hnu, ralhrang ညောင်ကျိုး sakhan lamah hmunram nawr dingin khua an khang ti asi.
Cuihsin ralhrang ညောင်ခြေထောက် based ကပစ 6 umnak khalah ralhrang mawtawpi 40 lai hmangin ralhrang thazang an ret bet thu le ညောင်ကျိုး၊ ဆင်လန် le ပုဂံကွဲ tipawl ih hmunram pawlah cun ralhrang pawl cu zarpharhawk an tum ti asi bet.
Tufangahhin ralhrang ကပစ 16 ih checkpoint pawl asimi point 506, point 268 le point 535 sakhan pawl cu AA le a tanrualpi pawl in an do rero laifang asi thu pawl khal theih asi.
