Chin ramkulh, Tedim khawpi hralhrang based ih hmunkhuar ralhrang pawl le ZRA-EC tangrual pawl cun mani May 11 zinglam ahkhan Tonzang khawpi lam pan in mawtawpi 2 hmangin an poksuah ruangah Tedim-Tonzang zin pawl cu CDF-Tonzang in an khar tiah theih asi.
Tedim khawpi ih ralhrang ခလရ 296 Battalion ih ralhrang thazang 200 rual pawl cu Skat mawtaw le Haimual mawtaw khat in siseh, ke in siseh Tonzang khawpi lam pan in May 10 ahkhan an poksuak ti asi.
Cutin tuvek dinhmun ruangah Tonzang khawpi thunun tu CDF-Tonzang khalin Tedim-Tonzang zintluan cu mani May 11 ihsikhan an khar cih ti asi.
Tonzang khawpi hi Chinland council tangrual pawl in kum 2024 May 23 ahkhan an rak lakfelmi khawpi asivekin CDF-Tonzang/ Tonzang Township Council cun thunun in ukawknak thar an fehpi rero thu pawl khal theih asi.
Cule tuahhin hmunramnawr ralhrang pawl hin Kenedy tlang, Tedim, Taingen karlak tipawl cu an thunun theh zo thu pawl khal theih asi.
