Bago ramthen, အုတ်ဖို pengsungih ralhrang sakhan pawl cu dothlengtu tangrual pawl in an donakah ralhrang 6 thiin, ralhrang 6 hriamtuar an um thu Bago Region Military Department, No. (2) Operational Area, People’s Defense Army (PDF) cun an rel.
Kandungzarh May 10 zinglam ahkhan အုတ်ဖို pengsungih အေးမြသာယာ khuathar khawluh kaa ih ralhrang Pyu Saw Htee sakhan cu No. (2) Operational Area, Bago Region Military Department, Strategic (22) hnuaiih um ralkap pawl cun an va donak ah ralhrang Pyu Saw Htee 2 thiin, ralhrang 6 in hriam an tuar ti asi.
Cule May 5 sundir hrawng khalahkhan အုတ်ဖို pengsungih လွှစင် khua sung khalah ralhrang relhthup pawl cu Strategic Command (22) hnuaiih um Battalion (3801) Company (5) pawlin an donakah ralhrang 4 an thih thu Bago Region Military Department, No. (2) Operational Area, People’s Defense Army (PDF) cun an phuang thu pawl khal theih asi.
