Thailand ram, Chiang Mai District Deputy Police Chief Krit Thapaung in mani May 1 niih thu a thannak ah cennak inn nei lo mi pathum that tu kha kaihngah a si zo tiah a phuang.
Thailand ram mi kum 31 ih upa Pan Hee Pol timi pa cun tuih kum January 7 ni ahkhan Chiang Rai Province, Sinhak Lai zin ih cennak inn neilo mipakhat cu a vuakthah hnu, April 29 ni ahkhan Chiang Mai ih ရက်တနာကိုဆင် lilawnpi hnuai ih um cennak inn nei lo kum 51 ih upa Song district tualsungmi pakhat cu a pum le a hngawng tipawl ah nam thawn a dawt ih a thah hnu, a ruak thup hlonak dingah a urkang ti a si.
Cuihsin April 30 ni khalahkhan Chiang Mai district ခါရူအာဆာလီ ဝီယန်ပင်း lilawnpi hnuai ih um kum 46 ih upa mipa pakhat khal a that lala ti asi.
Cutin hing mipa thum that tu tual thah hmang hi CCTV ihsin an zingzawi vivo ih cutin April 30 zanlam ah ချင်းမိုင် ih ချန်ဖောက် bazar kiangah an kai ngah ti asi.
Tuah hin hliakhlainak cu neih rero asiih, tualthahnak ih hmanmi ralthuam, hnipuan le thilri pawl khal an kai ngah zo ti asi. Tualthahtu cun inn nei lo mi pathum a that ih amah rori khal inn nei lo a si thu a phuang aw, tiah Deputy Police Chief Chris Thapong cun a rel thu pawl khal theih asi.
