Chin ramkulh, Falam peng Khawpichhip khua cu ralhrang in mani May 1 zanlam ahkhan tlunzuang raldo vanzam hmangin bomb a thlaknak ruangah tualsungmi nauhak telin, tualsungmi 6 an nunnak a liam thu le 9 in hriam an tuar tiah theih asi.
Hi siatnak thleng hi mani May 1 zanlam nazi 3:15 hrawngah khan ralhrang raldo Jet fighter pakhat cun an khua laifang ah bomb a thlak ih cutin nauhak telin tualsungmi 6 an nunnak a liam thu le mi 9 hriamtuar khal an um thu siseh, nunnak liam khal an um bet vivo thei lai rel theih asi lo tiah tualsung thuthang hram ihsin theih asi.
Cule Khawpichhip khua hi cennak inn 25 ihsin 30 hrawng umnak khua asi thu le hi siatnak ruangah hin cennak inn thenkhat khal a siat thu theih asi.
Tuhrawng cu Falam peng sung hmun thenkhat pawl ah ralhrangin nitin deuhthaw bomb a thlak rero ih tualsungmi thenkhat an nunnak a liam rero. Pathian in siatnak tuartu inn sang pawl lo umpi in lo hnem vivo hram seh law.
