Bago ramthen, ပန်းတောင်း peng ralhrang ကပစ 16 Defence hmanrua tuahnak cetzung kiangnai ih ralhrang Point 500 strategic hill le ralhrang outposts 4 cu Arakan Army AA in May 4 ihsin an do thawk ih cutin May 7 ni tiang an rak donakah ralhrang mipum 20 lai thiin, ralhrang ralthuam thenkhat an lawngngah thu theih asi.
Hitum AA in an va domi pawl hi ralhrang စကခ 10 hnuaiih um ခမရ 363, 364, 366, 369 Battalion ih ralhrang pawl an si thu khal theih asi.
Cule mani May 8 khalahkhan ralhrang ကပစ 16 kiangnai ah AA le ralhrang pawl cu nasaten an doawk rero lai thu le ralhrang tlan se pawl cu hual in an do peh vivo thu pawl khal theih a si.
Arakan Army AA hin ralhrang ကပစ 16 ih outposts Point 666 cu an rak lafel zo ih, cutin ralhrang Point 500, 535, 506, 268 tipawl cu tuahhin an do ih an nawr rero laifang asivekin, ralhrang lamkhal in ansaten an rak do kir thu pawl khal theih asi.
Cuihsin, Rakhine Yoma thawn pehtlaihaw Magway ramthen sungih ralhrang နတ်ရေကန် strategic hill khal AA hin a do rero laifang asiih, kaphnih doawknak ahhin ahleice in ralhrang in drones pawl an hmang nasa ti asiih, cutin AA in tunai ahkhan ralhrang drones 6 lai cu an rak kahthak sak zo ti asi.
Cun Arakan Army AA hin Rakhine ram thawn a pehaw mi Magway, Bago, le Ayeyarwady ramthen tipawl ih ralhrang hmunram pawl ahcun dothlengnak a fehpi rero hleiah, a mai ramsung asimi Rakhine ram sungih Sittwe le Kyaukphyu tipawl ih ralhrang battalion camp pawl khal nasaten a do rero laifang asi.
Cule ralhrang khalin Rahine ramsungih Arakan Army AA pawlih thunun mi hmunram pawl ahcun nitin te rori ralhrang tlunzuang raldo vanzam in bomb a thlak hleiah, tualsungmipi pawl bat hrimin a do thu pawl khal theih asi.
