Sagaing ramthen tlunlam ih um, ထီးချိုင့် – ကသာ zin tluanah hmunramnawr ralhrang pawl hrangih ei-in thilri phur mawtaw tumhnih rak donakah ralhrang 6 thiin, ralhrang ralthuam thenkhat an lawngngah.
ထီးချိုင့် khawpi ihsin ကသာ khawpi lampan ih poksuak ralhrang ei-in phur mawtaw cu May 10 zan nazi 8 hrawngahkhan People’s Defense forces PDF le a tanrualpi pawl in lamlakih an rak donakah kaphnih doawk sung minute 40 hrawng siin, ralhrang mawtawpi 2 cu mawng ding cu relloh, a soprop theh tiah PDF pawl cun an rel.
Cule a tumhnihnak cu May 11 nihkhan a siih, ralhrang mawtawpi rual cun lamlak ah rakkham sal in an rak do bet salnak ah ralhrang 6 thiin, ralhrang meithal zun 6 le Star link cet pawl telin ralhrang thilri thenkhat tipawl an lawngsak ngah ti asi.
Cule ralhrang council hin Mandalay khawpi ih Non-CDM pawl telin, ralhrang thazang le ralthuam tiihpawl phurtu ralhrang mawtawpi pawl le tualsungmipi neihmi mawtaw an hmansak mi pawl telin mawtaw 400 lai cun မော်လူး၊အင်းတော် khawpi pawlah ralhrangin uknak thar fehpi an tum ruangah May 9 niahkhan ralhrang mawtawpi thenkhat cu khawpi sung an luh zo thu pawl khal theih asi.
Hitum ralhrang mawtawpi rual pawl rak dotu hi AA, BPLA, Special Operations Division (People’s Defense Army-Mandalay)tipawl an sithu theih asi.
