Chin ramkulh, Mindat khawpi hmun pakhat ah ralhrangin mani May 12 zanlam nazi 6:20 ihsin 6:40 karlak ah khan tlunzuang raldo Jet vanzam 3 rori hmangin bomb a tlak lala thu tualsung mipi hnen in theih asi.
Thuhla theih dan vek asile, Kalay ralhrang Tada Oo Air Force Base, Nay Pyi Daw Ela Air Force base le ရှမ်းတဲ Air Force base tipawl ihsin ralhrang tlunzuang raldo Jet vanzam 3 rori cun Mindat khawpi sungih hmun pakhat ah bomb 10 rori an thlak thu le tualsungmipi thi le hlo hriamtuar an um le um loh siseh, cennak inn siatsuah mi a um le umloh thu pawl cu thuhla fiang theih asi hrih lo ti asi.
Mindat khawpi hi Chin ramkulh khawpi pawl lakah doawknak um silo ih ralhrang in tlunzuang raldo vanzam pawl hmangih bomb a thlak tambiknak khawpi a sivekin, a tualsungmipi pawl khal in nitin ralring theipatawp in ni an hmangliam theu ti asi.
